Home VIRAL ഇവർക്ക് ചൂടോ, തണുപ്പോ, വേദനയോ ഇല്ല; ആ രഹസ്യമൊടുവിൽ കണ്ടെത്തി

ഇവർക്ക് ചൂടോ, തണുപ്പോ, വേദനയോ ഇല്ല; ആ രഹസ്യമൊടുവിൽ കണ്ടെത്തി

22
0
SHARE

ഇറ്റലിയിലെ മാർസി കുടുംബത്തിലെ ആളുകൾക്ക് പ്രത്യേകമയൊരു കഴിവുണ്ട്, ഇവർക്ക് വേദനോ തണുപ്പോ, ചൂടോ ഒന്നും അനുഭവിക്കാൻ കഴിയില്ല. എല്ലൊടിഞ്ഞാൽ പോലും ആ വേദന തിരിച്ചറിയില്ല. വൈദ്യശാസ്ത്രത്തിന് പോലും ഈ ശാരീരികാവസ്ഥ എന്തെന്ന് മനസിലാക്കാൻ കഴിഞ്ഞിരുന്നില്ല. കടുത്ത വേദനകൾ അനുഭവിച്ചവരൊക്കെ പറയും ഈ അവസ്ഥ മാർസിലി കുടുംബത്തിന് ലഭിച്ച ഭാഗ്യമാണെന്ന്. ശരീരത്തിൽ പൊള്ളലേറ്റ് കഴിയുമ്പോൾ കരിഞ്ഞ പാടുകൾ കാണുമ്പോൾ മാത്രമാണ് ഇവർക്ക് തിരിച്ചറിയാൻ കഴിയുക.

കൈയോ കാലോ ഒടിഞ്ഞാൽ പോലും വേദനയുണ്ടാകില്ല അതുകൊണ്ട് തന്നെ പൊട്ടലുകൾ തിരിച്ചറിയാൻ സാധിക്കാതെ വരുന്നത് പല ആരോഗ്യ പ്രശ്നങ്ങൾക്കും ഇടയാക്കാറുണ്ട്. തണുപ്പും ഇത്തരത്തിൽ തിരിച്ചറിയാൻ സാധിക്കാതെ വരുന്നതും രോഗങ്ങൾക്ക് കാരാണമാകാറുണ്ട്. പിന്നീട് ഗവേഷകർ ഇവരുടെ ശാരീരികാവസ്ഥയെ കുറിച്ച് പഠനം നടത്താൻ തീരുമാനിച്ചു.

ജനിതകപരമായ പ്രശ്നമാണോ ഈ അവസ്ഥയ്ക്ക് കാരണമെന്നായിരുന്നു ആദ്യഘട്ടത്തിൽ പരിശോധിച്ചത്. ചൂടിനോടും തണുപ്പിനോടും വേദനയോടുമുള്ള ഓരോരുത്തരുടെയും പ്രതികരണം നിരീക്ഷണ വിധേയമാക്കി. കൊടും തണുപ്പിലും ചൂടിലും കൈവച്ചപ്പോൾ അസാധ്യമായ പ്രതികരണമായിരുന്നു കാഴ്ചവെച്ചത്. എല്ലാവരും ചിരിച്ച് കൊണ്ട് നിൽക്കുകയായിരുന്നു. ഒരു സെക്കൻഡ് പോലും കൈ വെക്കാൻ കഴിയാത്ത ചൂടുള്ള പ്രതലത്തിൽ വളരെ അനായാസത്തോടെയായിരുന്നു ഇവർ കൈകൾ വച്ചത്.

ഗവേഷണം പാളിയില്ല, ഒടുവിൽ ജനിതകപ്രശ്നം തന്നെയാണ് ഈ അവസ്ഥയ്ക്ക് കാരണമെന്നു കണ്ടെത്തി. ഇസെഡ്എഎഫ്എച്ച്എക്‌സ്2 എന്ന ജീനിലുണ്ടായ മാറ്റമാണ് ഈ ജനിതകാവസ്ഥയ്ക്ക് കാരണമായത്. വേദനയും ചൂടും തണുപ്പും തിരിച്ചറിഞ്ഞ് തലചോറിലേക്ക് സന്ദേശമയക്കാൻ സഹായിക്കുന്ന ഈ ജീനിലാണ് മാറ്റം സംഭവിച്ചിരിക്കുന്നത്. മാർസിലി കുടുംബത്തിന് സംഭവിച്ച ഈ ജനിതക പരിവർത്തനം വൈദ്യലോകം മുൻപെങ്ങും കാണുകയോ തെളിയിക്കുകയോ ചെയ്തിട്ടില്ല.

മാർസിലി കുടുംബത്തിന്‍റെ ജനിതകാവസ്ഥ മാത്രമല്ല ഗവേഷർ കണ്ടെത്തിയിരിക്കുന്നത്, ലോകമെമ്പാടും വേദനയോടെ കഴിയുന്നവർക്ക് ഒരു ആശ്വാസ മാർഗം കൂടിയാണ്. മാറ്റം സംഭവിച്ച ജീന്‍ എങ്ങനെയാണു വേദനയെ തടുക്കുന്നതെന്നു അറിഞ്ഞാല്‍ അത്തരത്തിലുള്ള മരുന്നുകളും വികസിപ്പിച്ചെടുക്കാൻ സാധിക്കും. ഇത് പുതിയൊരു കണ്ടുപിടുത്തത്തിലേക്ക് ആയിരിക്കും വൈദ്യശാസ്ത്രത്തെ നയിക്കുക.

LEAVE A REPLY

Please enter your comment!
Please enter your name here