Home NEWS എന്തിനാണ് മൻപ്രീത് എന്ന 23കാരി പുരുഷനായത്?

എന്തിനാണ് മൻപ്രീത് എന്ന 23കാരി പുരുഷനായത്?

451
0
SHARE

മറ്റേതൊരു അമേരിക്കൻ സിഖുകാരിയെയും പോലെയാണ് മൻപ്രീത് സിങ് വിര്‍ക് എന്ന യുവതിയും ജീവിച്ചിരുന്നത്. അമേരിക്കയിൽ ജനിച്ചു വളര്‍ന്ന മൻപ്രീത് ഇരുപതുവയസ്സുവരെ ഒരു സ്വവര്‍ഗപ്രണയിയായാണ് ജീവിച്ചത്. ഇരുപതാം വയസ്സിൽ താനൊരു ട്രാൻസ്ജെന്‍ഡറാണെന്ന് തിരിച്ചറിഞ്ഞതോടെ മൻപ്രീതിന്‍റെ ജീവിതം മാറി.

കോളേജിൽ രണ്ടാം വര്‍ഷം ലൈംഗികതയെപ്പറ്റിയുള്ള ഒരു ക്ലാസിൽ പങ്കെടുത്തതോടെയാണ് താനൊരു ട്രാൻസ്ജെന്‍ഡറാണെന്ന് തിരിച്ചറിഞ്ഞതെന്ന് മൻപ്രീത് സിങ് വിര്‍ക് പറയുന്നു. കഴിഞ്ഞ 20 വര്‍ഷവും സ്ത്രീയായി ജീവിച്ച താൻ സ്ത്രീകള്‍ക്കെതിരെയുള്ള അതിക്രമങ്ങളും സ്വവര്‍ഗപ്രണയികളോടുള്ള നിഷേധനിലപാടുകളും ഏറെ കണ്ടിട്ടുണ്ടെന്നും മൻപ്രീത് പറയുന്നു.

എന്നാൽ സ്ത്രീജീവിതത്തിലെ ദുരിതം ഏറെ കണ്ട മൻപ്രീത് താനൊരു പുരുഷനാകാൻ തീരുമാനിച്ചതോടെ ചുറ്റുമുള്ളവരും തനിക്കെതിരെ വെറുപ്പു ചൊരിയാനാരംഭിച്ചെന്നു സാക്ഷ്യപ്പെടുത്തുന്നു. തന്‍റെ വിശദീകരണങ്ങളൊന്നും ആരെയും തൃപ്തിപ്പെടുത്തിയില്ലെന്നും മൻപ്രീത് പറഞ്ഞു. ഒട്ടേറെ സുഹൃത്തുക്കളെയും മൻപ്രീതിനു നഷ്ടമായി. രണ്ടു വര്‍ഷം മുൻപായിരുന്നു മൻപ്രീതിന്‍റെ ലിംഗമാറ്റശസ്ത്രക്രിയ.

പുതിയ രൂപവുമായി സോഷ്യൽ മീഡിയയിലെത്തിയ മൻപ്രീതിനെ സ്വവര്‍ഗപ്രണയവിരുദ്ധരും ട്രാൻസ്ജെന്‍ഡര്‍ വിരുദ്ധരും അവിടെയും വെറുതെ വിട്ടില്ല.

ശസ്ത്രക്രിയയ്ക്കു ശേഷം രൂപാന്തരം സംഭവിച്ചുകൊണ്ടിരുന്ന കാലത്തും ഒന്നോ രണ്ടോ സുഹൃത്തുക്കള്‍ മാത്രമായിരുന്നു തനിക്ക് ഉണ്ടായിരുന്നതെന്ന് മൻപ്രീത് ഓര്‍മിക്കുന്നു. എന്നാൽ തന്‍റെ പ്രണയിനിയുടെ വാക്കുകളായിരുന്നു മൻപ്രീതിന് ആശ്വാസമേകിയത്.

ഞങ്ങള്‍ ജീവിക്കാനായി കഷ്ടപ്പെടും, കാരണം മരിച്ചു കാണണമെന്നാണ് ചുറ്റുമുള്ളവര്‍ ആഗ്രഹിക്കുന്നത്. എന്നാൽ നാം ജീവിച്ചു കാണണമെന്നു മറ്റുള്ളവര്‍ ആഗ്രഹിക്കണമെങ്കിൽ എന്തു ചെയ്യണം

എല്ലാ ഭയങ്ങളും പിന്നിലെറിഞ്ഞ് ധൈര്യത്തോടെ മുന്നോട്ടു പോകാൻ തീരുമാനിച്ചതോടെ മൻപ്രീതിന് ആളുകളുടെ പിന്തുണയുമേറി. തനിക്ക് സ്നേഹവും പിന്തുണയുമായി സിഖ് വിഭാഗത്തിൽ നിന്നു തന്നെ വളരെയധികം ആളുകളെത്തിയെന്ന് മൻപ്രീത് പറയുന്നു. ഇനിയുള്ള കാലം സിഖുകാരായ ക്വീര്‍ വിഭാഗക്കാര്‍ക്കു വേണ്ടി പ്രവര്‍ത്തിക്കാനാണ് മൻപ്രീതിന്‍റെ തീരുമാനം.

LEAVE A REPLY

Please enter your comment!
Please enter your name here